सिरहा । सिरहा जिल्लाको लाहान नगरपालिका वडा नम्बर १ स्थित सिंग्राही मटियर्वाको नयाँ बस्तीमा डकैती भएको छ । स्थानीय ईन्द्रदेव ठाकुरको घरमा सोमबार राती करिब १२ बजे ७/८ जनाको डाँका समुहले डकैती गरेका हुन ।

लुटेरा समुहले ठाकुरको घरबाट ६ लाख नगद तथा गरगहना लुटेर भागेको प्रहरी स्रोतले जनाएका छन । घरमा डाँका हुने बेलामा घरको सम्पुर्ण सदस्यको मोवाईल नियन्त्रमा लिएको पीडितले बताए । घटना लगत्तै छिमेकी ले प्रहरीको संचार मा फोन गर्दा फोन नउठेको पीडितको गुनासो रहेको छ ।

घरको छतमा भर्र्याङ् को साहाराले चढी पीडित ठाकुर र उनका दुवै छोराको कन्चटमा पेस्तोल तेर्साएर फिल्मी शैलीमा लुटपाट भएको पीडितको भनाई रहेको छ । दराज भित्र रहेको नगद ६ लाख रुपैयाँ र छोरी बुहारीले लगाएको लगभव २ तोला सुन र २० तोला चाँदी लुटेर लगेको पिडितका छोरा ओम ठाकुरले बताए ।

सूचना पाएलगतै ईलाका प्रहरी कार्यालय लहानबाट गएको प्रहरी टोली घटनास्थल पुगेका थिए । पुगेर राती देखि नै अनुसन्धान थालिएको छ । प्रहरीले डाँकाहरुको समूहलाई प्रकाउ गर्न सकेको छैन । डाँकाहरुको खोजी भइरहेको ईलाका प्रहरी कार्यालय लहानले जनाएको छ ।लहान नगरपालिकामा बारम्बार चोरी डकैतीका घटना भईरहेको कारण स्थानीयबासीमा त्रासको माहौल छ ।