वैदेशिक रोजगारीको क्रममा मनाेज मलेसियामा सम्पर्क विहीन,खोजीदिन परिवारद्वारा आग्रह - Hamro Janakpur

मलेसिया । वैदेशिक रोजगारीको सिलसिलामा मलेसिया  कार्यरत महोत्तरी जिल्ला बलबा नगरपालिका वडा नम्बर ४ निवासी नेपाली श्रमिक मनोजकुमार ठाकुर यतै सम्पर्क विहीन,बेपत्ता भएको छ।

सन् २०१८ मा मनोजकुमारले मलेसियाको सिमे डरबे प्लान्टेसन कम्पनीका लागि श्रम स्वीकृति लिएर काम गर्न आउनु भएको थियो। तर मनोजकुमारले प्लान्टेसनको काम छाडेर पछिल्लो समयमा बिगत डेढ बर्षदेखि अबैधानिक हैसियतमा काम गर्दै आईरहनु भएको थियो भन्ने जानकारी प्राप्त भएको छ।

जानकारी अनुसार एकदिन अच्चानक मनोजकुमार काम गर्ने नयाँ ठाउँमा मलेसियन अध्यागमन बिभाग (ईमिग्रेसन) ले छापामारी गर्न आएको बेला मनोजकुमार त्यस् ठाउँबाट भागेर बेपत्ता भएका हुन।अहिले ६ महिना भैईसक्दा सम्म पनि कसैको सम्पर्कमा आउनु भएको छैन।

यता नेपालबाट मनोजकुमारको बुवा रामनारायण ठाकुरले भन्नुहुन्छ , ‘काम गरिरहेको छोरो सम्पर्कमा आएन, दुई चार दिन त फोन गर्छ होला भन्ने भयो, अहिले यत्तिको समय भइसक्यो कहीँ कतै कसैसँग सम्पर्कमा छैन,’ रामनारायणले भन्नुभयो। आफ्नो छोरालाई कतै देख्ने कोही छन् कि भन्दै रामनारायणले गाउँबाट मलेसिया गएका जति सबैलाई आग्रह गरिसक्नुभयो तर कतैबाट पनि शुभ खबर आएको छैन।

अहिले मलेसियामै रहनुभएका गाउँले छिमेकी हरिकुमार मण्डलले मलेसिया स्थित नेपाली दूतावासको समन्वयमा त्यहाँका विभिन्न जेलहरूमा खोजी गरेको बताउनुभयो । ‘दूतावासको सहयोगमा जेलहरूमा खोजी गरेको हो तर कुनै पनि जेलमा भेटिएन, काम गर्दा गर्दैको मानिस कहाँ गयो, के भयो कसैलाई थाहा भएन,’ हरिकुमारले भन्नुभयो, ‘मनोजलाई खोजिदिन गाउँबाट उसको बुवाले रातदिन हात जोर्नुहुन्छ, खोज्नका लागि हर प्रयास गरिसक्यौँ तर अहिलेसम्म कुनै पत्तो छैन ।’ एक्कासि सम्पर्क विहीन हुँदा जेलमा परेको हुनसक्ने परिवारको अनुमान थियो । तर जेलहरूमा पनि नभेटिएपछि परिवार झन् चिन्तामा परेको छ।

मलेसियामा यदि मनोजकुमारलाई देख्नु या भेट्नुभएमा मलाया खबरको सम्पर्क मोबाईल नम्बर +६०११७२३२८१५० त्यस्तै अन्य सहयोगी नेपालीहरुको सम्पर्क नम्बर ०११२६६६९०९७ अथवा ०१०२१८५३२२ नम्बरमा सम्पर्क गरिदिन परिवारले आग्रह गरेको छ।

प्रतिक्रिया

सम्बन्धित खवर

ताजा समाचार

लोकप्रिय

हाम्रो जनकपुर बिशेष

निषेधाज्ञामा होटल खोलेको भन्दै सञ्चालकलाई ४ लाख जरिवाना

निषेधाज्ञामा होटल खोलेको भन्दै सञ्चालकलाई ४ लाख जरिवाना

काठमाडौं । निषेधाज्ञाको समयमा होटल खोलेको भन्दै प्रशासनले सञ्चालकलाई जरिवाना तिराएको छ । निषेधाज्ञाको समयमा होटल खोलेको आरोपमा त्रिपुरेश्वरस्थित युनाइटेड विजनेश होटलका सञ्चालक अश्विल श्रेष्ठलाई..