जनकपुरधाम । सिरहाको लहान नगरपालिका वडा नम्बर २२ मा सुनचांदीका पसल गरेका एक यूवकलाई लुटेरा समूहले गोली हानेर हत्या गरेकाे छ ।
मृतकको नाम खुल्न सकेका छैन । लुटेराले ति यूवकका श्रीमतीमाथि समेत गोली हानिएको र अबस्था गम्भिर रहेको अबस्थामा उनलाई उपचारका लागि स्थानीय सप्तऋषि अस्पताल लगिएको छ ।
सिरहाका एसपी सुदिपराज भण्डारीले घटनाको पुष्टि गरेका छन् । उनले अहिले घटनास्थलमा रहेको र केहिबेरमा डिटेल दिने बताए ।
प्रहरीका अनुसार गोली हानी हत्या गरिएका यूवक वडाध्यक्ष कन्हैया गुप्ताको घरमा सुनचांदी पसल गर्दै आएका थिए । श्रीमतीसंग त्यही बसेका बेला लुटेरा समूहले गोली चलाएको बुझिएको छ ।
