सिरहा । सिरहामा बोक्सीको आरोपमा महिलालाई कुटपिट गरी यातना दिने युवकलाई प्रहरीले पक्राउ गरेको छ ।
सिरहाको औरही गाउँपालिकावडा नम्बर ५ की ५० वर्षीया हिरादेवी साहलाई बोक्सीको आरोपमा कुटपिट गरी जबर्जस्ती मलमूत्र कोच्याएको आरोपमा २९ वर्षीय घुरन साहलाई पक्राउ गरेको हो ।
बोक्सी भन्दै कुटपीट गरेको आरोपमा पीडितकै भतिजलाई पक्राउ गरिएको जिल्ला प्रहरी कार्यालय सिरहाका प्रमुख एसपी सुदिप राजभण्डारीले जानकारी दिए । घटनाको विषयमा उजुरी नआएका कारण पीडित महिलालाई जिल्लामा ल्याउने प्रयास भइरहेको एसपी राजभण्डारीले बताए ।
पीडित हिरादेवीले गाईलाई टुना गरेर मारेको आरोपमा जेठाजुका छोरा र बुहारीले कुटपिट गर्दै मानव मलमूत्र खुवाएका आरोप लगाएकी छन् ।
भतिज घुरनले कुटपिट गर्दै भुइँमा लडाएपछि बुहारीहरू कौशिला, निशा र कविताले जबर्जस्ती मानव मलमूत्र मुखमा कोचेको उनले बताइन् ।
प्रतिक्रिया
सम्बन्धित खवर
